தேவதை தினம்

நீ பிறந்த தினத்தை "தேவதை தினமாக" அறிவிக்க வேண்டும் ..

கனவாய்....

கனவிலும் அழகாய் இருக்கிறாய்
இல்லை இல்லை
என் கனவுகளை அழகாக்கிறாய் நீ ....

நிஜமான கனவு

உன்னை காணும்
அந்த சில நொடிகளில் மட்டும்தான்
கனவுகளை விட அழகாகிறது நிஜம்

காதல்......

" ஏன் துடிக்கிறாய்? " என்று இதயத்தை யாரும் காரணம் கேட்பதில்லை
நீயும் கேட்காதே என்னிடம் " ஏன் என்னை காதலிக்கிறாய் ? " என்று
சொல்ல தெரியாது எனக்கு, காதலிக்க மட்டும்தான் தெரியும் ......

ஒப்பற்றவள் நீ

உன்னை யாரோடும் எதோடும் ஒப்பிட்டு பார்க்க என் மனம் மறுக்கிறது
உனக்கு நிகரானவள் நீ மட்டும் தான் ..

அந்த ஒரு பார்வை

இருக்கும் ஒரு உயிரையும் கொடுப்பேன் என் தேவதையே
நீ காதலோடு என் கண் பார்க்கும்
ஒரு நொடிக்காக ...

உன்னை விட அழகானவள் நீ ...

உன்னை உனக்கு தெரியாமல் பார்க்கும் போதே
இதயம் நின்றுவிடும் எனக்கு ....
நேருக்கு நேர் பார்த்தால்......?
நினைக்கவே பயமாய் இருக்கிறது..!!
ஆனாலும் இவ்வளவு அழகாகவா இருப்பாய்..?

உன் பேரழகு

உன் அழகில் பேரழகாய் எனக்கு தெரிவது
நீ உன்னிடம் கொட்டி கிடக்கும் பேரழகை
பற்றி சற்றும் சலனமின்றி இருப்பதுதான் ...

தேவதை நீ

" காதலிக்காமல் இருப்பது சுலபம், மனக்கட்டுப்பாடு இருந்தால் போதும் " என்ற என் நண்பனிடம் வெளியே சிரித்து கொண்டு, மனதிற்குள் சொல்லி கொண்டேன் "என் தேவதை பார்க்கும் அந்த உயிர் போய் வரும் நொடியில் மனமாவது கட்டுபாடாவது".....

உன்னை பார்த்து விட்டேன் என்று எப்போதும் நான் மனநிறைவு அடைந்ததில்லைஅடைய விட்டதில்லை உன் கண்கள் .....

நீ பேரழகி ...

தனியான அந்த சாலையில், நீ பேரழகாய் எனை கடந்து சென்ற நொடியை கடக்க முடியாமல் செயலற்று நிற்கிறது என் இதயம், வழக்கத்திற்கு மாறாக அது துடித்து கொண்டிருக்கிறது என்னை போல ......மறுபடியும் உன்னை பார்க்க ......